Құрметті Балқаш қаласының тұрғындары!!!

«Тұрғын үй қатынастары туралы» Қазақстан Республикасы Заңының 71-бабының 5-тармағына сәйкес, аудандардың, облыстық маңызы бар қалалардың, республикалық маңызы бар қалалардың, астананың жергiлiктi атқарушы органдары коммуналдық тұрғын үй қорынан тұрғынжайға мұқтаждар есебінде тұрған Қазақстан Республикасы азаматтарының кезектілік тізімдеріне, оның ішінде мемлекеттік тұрғын үй қорынан тұрғынжайға немесе жеке тұрғын үй қорынан жергілікті атқарушы орган жалға алған тұрғынжайға мұқтаж азаматтарды есепке қоюдың және кезектілігінің электрондық базасын пайдалана отырып, жыл сайын түгендеу жүргізеді.

Заңнаманың көрсетілген нормасын орындау үшін, сондай-ақ Қазақстан Республикасы өнеркәсіп және құрылыс Министрлігінің тиісті тапсырмасы негізінде облыстардың, қалалар мен аудандардың әкімдіктері кезекте тұрғандарды есепке алудың бірыңғай ұлттық жүйесін (Kezekte) пайдалана отырып, тұрғын үйге кезектілік тізімін түгендеуді бастады.

Осыған байланысты, тұрғын үйге мұқтаждар есебінде тұрған кейбір азаматтарға 1414 қызметінен 15 күнтізбелік күн ішінде есепке қою туралы өтініш бойынша деректерді жаңарту қажеттілігі туралы SMS хабарлама келуі мүмкін.

СМС-хабарлама келіп түскен азаматтар “Балқаш қаласының тұрғын үй қатынастары және тұрғын үй инспекциясы бөлімі”ММ № 10 кабинетіне (бірінші қабат) жүгінуге тиіс. Деректерді жаңарту мәселесі бойынша азаматтарды қабылдау 2024 жылғы 5 шілдеде сағат 09.00-ден бастап бүкіл жұмыс күні ішінде жүргізіледі. Кейіннен қабылдау ағымдағы жылдың 9 шілдесінен бастап толық аяқталғанға дейін жүзеге асырылады.

Уақытша қолайсыздықтар үшін кешірім сұраймыз және түгендеу бойынша жүргізіліп жатқан жұмыстарға түсіністікпен қарауды сұраймыз.

Ақпарат көзі: ГУ «Аппарат акима города Балхаш»