2024 жылғы 30 қыркүйек күні сегізінші шақырылымдағы Түркістан облыстық мәслихатының кезекті он екінші сессиясы өтті. Сессия жұмысының алдында мәслихат төрағасының міндеттерін уақытша атқарушы Алмас Сәлімов облыстағы жаңа кадрлық тағайындауларды таныстырып, Мемлекет басшысы Қасым-Жомарт Кемелұлы Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан

халқына Жолдауындағы басты басымдықтарға тоқталды. Сондай-ақ сессия алдында облыс әкімінің орынбасары Н.Көшеров өңіріміздің әлеуметтік-экономикалық дамуына үлес қосқан бірқатар еңбек ардагерін облыстың Құрмет грамотасымен марапаттады. Сегізінші шақырылымдағы облыстық мәслихаттың кезекті тоғызыншы сессиясының жұмысына облыс әкімінің орынбасары Н.Көшеров, облыс әкімдігінің мүшелері, қалалық, аудандық мәслихат төрағалары, облыстың мемлекеттік органдарының басшылары, облыстық сайлау комиссиясының төрағасы, облыстық қоғамдық ұйымдар өкілдері, сондай-ақ бұқаралық ақпарат құралдарының өкілдері қатысты. Сессия жұмысын мәслихат төрағасының міндеттерін уақытша атқарушы Алмас Сәлімов жүргізді. Күн тәртібінде 19 мәселе қаралды. Облыс әкімінің орынбасары баяндама жасап, өңірде атқарылған жұмыстарға тоқталды. Депутаттар облыс әкімдігінің жұмысына оң бағасын берді. Сонымен қатар сессияда Облыстық жұмыспен қамтуды үйлестіру және әлеуметтік бағдарламалар, Құрылыс, Мәдениет басқармалары басшыларының есептері тыңдалды. Депутаттар басқарма басшыларына сұрақтар қойып, шешім жобаларына өз ұсыныстарын енгізді. Жалпы, сессия жұмысында қаралған мәселелер бойынша мәслихат депутаттары тиісті шешімдер қабылдады. Түркістан облысы әкімінің баспасөз қызметі

Ақпарат көзі: ГУ "Аппарат акима Туркестанской области"