Намазбаева Инара Әбдіғаппарқызы 1974 жылы қазан айының 15-жұлдызында бұрынғы Оңтүстік Қазақстан облысы Түркістан қаласында дүниеге келген. Бүгінгі таңда «Қуаныш»ЖШС-нің директоры. Жалпы жұмыс  стажы – 24 жыл.

Алғашқы еңбек жолын 1996 жылы Қазақстан Республикасы Ұлттық Ғылыми Академиясының Экономика Институтында экономист қызметін атқарды.

1996-2007 жылдар аралығында «Экономика» институтында экономист, кіші ғылыми қызметкер және аға ғылыми қызметкер лауазымдарын атқарды. 2000 жылы  кандидаттық диссертациясын  қорғап,  2000-2007 жылдары Абай атындағы Алматы Мемлекеттік университетінде және «Тұран» университетінде оқытушы болды.

2003-2004 жылдары Ұлыбританиядағы Рединг университетінде Еуразиялық зерттеулер орталығында  ғылыми тағылымдамадан өткен.

2009-2011 жылдар аралығында Алматы қаласындағы Халықаралық  Бизнес университетінде оқыған. Іскерлік Әкімшілік «Менеджмент» (MBA), экономика ғылымдарының кандидаттығын қорғаған.

2007-2008 жылдар аралығында АО «Казвторчермет» компаниясында стратегиялық экономика маманы қызметін атқарды.

2010 жылы Түркістан қаласында «Қуаныш» ЖШС-нің  директоры орынбасары қызметін атқарды.

2018 жылдан бастап Түркістан қаласында «Қуаныш» ЖШС-нің  директор қызметін атқарып келеді.

2013 жылдан бастап бұрынғы Оңтүстік Қазақстан облысы бойынша Іскер әйелдер қауымдастығының мүшесі болып, облыстағы Іскер әйелдердің жұмысына араласып, олардың кәсіпкерлік салаларын дамытуға үлес қосты.   

2022 жылдан бастап Түркістан облысы әкімінің отбасы және әйелдер мәселелері жөніндегі штаттан тыс кеңесшісі болып тағайындалған.

Түркістан қаласындағы «Шапағат» мүмкіндігі шектеулі азаматтар қауымдастығымен 2012 жылдан бастап тығыз байланыста. Содан бері кембағал жандарға қайырымдылық көрсету мақсатында бірге жұмыс істеп келеді. Осы қордың мүшелеріне арнайы баспана салып беруге үлес қосып, демеушілік көрсетті. Жылда Жаңа жыл мерекесінде Түркістан қаласына қарасты арнайы оңалту орталықтарының тәрбиеленушілеріне мерекелік дастархан жайып, сый-сияпат жасап келеді.

 Мұнымен бірге 1-қыркүйек Білім күні қарсаңында үйде оқытылатын әлеуметтік жағдайы аз қамтамасыз етілген отбасы балаларына мектепке қажетті оқу-құралдары мен киім-кешек үлестіруді әдетке айналдырған. Облыстық Іскер әйелдер қауымдастығының мүшелерімен бірге «Біз біргеміз!» акциясы аясында аз қамтамасыз етілген 25 отбасыға бір реттік азық-түлік өнімдерін табыстауға атсалысты. Одан өзге Арыс оқиғасы мен Мақтааралда орын алған табиғи апатқа кәсіпкерлермен бірлесе отырып, қаржылай және гуманитарлық көмек көрсетті.

Инара Намазбаеваның  2016 жылы Түркістан қаласының әлеуметтік-экономикалық, мәдени және рухани дамуына қосқан елеулі еңбегі ескеріліп, «Қалаға сіңірген еңбегі үшін» төсбелгісімен марапатталған. Қазақстан сауда кәсіпорындарының арасында өткен байқауда «Үздік басшы» номинациясы бойынша II орын алды. «Парыз-2018» Республикалық конкурсында арнайы  дипломмен марапатталған. 2019 жылдың маусымында Қазақстан Республикасының Президенті Қасым-Жомарт Тоқаевтың Алғыс хатын алған. Қазақстан Республикасының кәсіпорындары арасында мемлекеттік бюджетке үлес көрсеткіші бойынша Алтын рейтингке ие болып, «Сала көшбасшысы – 2019» атағына ие болды.

Қоғамдық іс-шараларға атсалысып жүрген іскер азаматша.

Тел.: раб. + 7 725 334 2940

         моб. +7 702 491 7056

Ақпарат көзі: ГУ "Аппарат акима Туркестанской области"