Түркістан облысы аумағында заңсыз жер қойнауын пайдалану фактілері былтырғы жылдың дәл осы кезеңімен салыстырғанда 30%-ға азайған. Бұл бағыттағы жұмыстар облыс әкімі Д.Сатыбалдының тапсырмасына сәйкес, құзырлы органдар мен аудан, қала әкімдіктері тарапынан қатаң бақылауға алынған. Қазіргі таңда облыстық кәсіпкерлік және өнеркәсіп басқармасы тарапынан тұрақты түрде мониторинг жасалып, нәтижесінде, жыл басынан бері

12 заңсыз қазба нүктелері анықталды. Әрі қарай тиісті шара қолдану үшін облыстық полиция департаменті мен аудан және қала әкімдіктеріне анықтауға хабар жолданған. Облыстағы аудан және қала әкімдіктері тарапынан заңсыз жер қойнауын пайдаланудың алдын алу бойынша жұмысшы топтар құрылған. Жалпы 66 рейдтік шара ұйымдастырылды. Нәтижесінде заңсыздықтар жойылды. Сауран ауданында 12 рейдтік шара ұйымдастырылып, 35 ауыр техника айыптұраққа қойылды. 35 әкімшілік хаттама толтырылып, мемлекетке 2,8 млн теңге айыппұл өндірілді. Ал Арыс қаласында 10 рейдтік шара ұйымдастырылып, 15 ауыр техника айыптұраққа қойылды. 21 әкімшілік хаттама толтырылып, қомақты айыппұл өндірілді. Ордабасы ауданында 8 рейдтік шара ұйымдастырылып, 3 ауыр техника айыптұраққа қойылып, 3 әкімшілік хаттама толтырылды. Мемлекетке 300 мың теңге айыппұл өндірілсе, Келес ауданында 6 рейдтік шара арқылы 7 ауыр техника айыптұраққа қойылды. 7 әкімшілік хаттама толтырылып, мемлекетке 120 мың теңге айыппұл өндірілген. Кентау қаласында 4 рейдтік шара ұйымдастырылып, 2 ауыр техникасы айыптұраққа қойылды. 4 әкімшілік хаттама толтырылса, Сайрам, Шардара, Созақ, Қазығұрт,Түлкібас, Сарыағаш, Бәйдібек, Төлеби, Мақтаарал, Жетісай аудандарында 22 рейдтік шара ұйымдастырылып, 12 заңсыз қазба жүргізген факті анықталып, Облыстық экология департаментіне жолданған. Жалпы облыста жүргізілетін рейдтік іс-шаралар оң нәтиже көрсетуде. Сондықтан жер қойнауын заңсыз пайдаланудың алдын алу бойынша іс-шаралар өз жалғасын тұрақты түрде таппақ. Түркістан облысы әкімінің баспасөз қызметі

Ақпарат көзі: ГУ "Аппарат акима Туркестанской области"