Ақмешіт үңгірі – Қазақстанның оңтүстік бөлігінде орналасқан көрнекті орындардың бірі. Түркістан облысы, Бәйдібек ауданындағы табиғи үңгір көптеген туристер мен зерттеушілердің қызығушылығын тудырады. Назарларыңызға қызықты ақпараттарды ұсынамыз:

Геологиялық ерекшеліктері

Жергілікті геологиялық процестердің нәтижесінде пайда болған ерекше орынның ішкі құрылымы мен пішіні табиғаттың керемет туындысы ретінде танылған. Жалпы ұзындығы 254 метр, биіктігі 25 метрге дейін жетеді. Әктас жыныстарынан қалыптасқан үңгір жер асты суларының әсерінен пайда болған.

Атауының шығу тарихы Ақмешіт үңгірінің атауы оның ішіндегі ақшыл түсті әктас қабаттарына байланысты қойылған. «Ақмешіт» сөзі «ақ мешіт», «ақшыл мешіт» дегенді білдіреді. Үңгірдің ішінде жарық түскен кезде ақ түстің жарқырап көрінуі оны ерекше тартымды етеді.

Тарихи маңызы Ақмешіт үңгірі ежелгі уақыттан-ақ белгілі болған. Үңгірдің ішінде археологиялық қазбалар жүргізілге. Нәтижесінде мұнда ежелгі адамдардың мекендегенін растайтын жәдігерлер табылған. Бұл жер көне заманнан бері адамдардың паналау орны болғанын көрсетеді.

Діни және рухани мәні Жергілікті халық қасиетті орын ретінде қарастырады. Үңгірдің ішіне кіру тәртібі, арнайы дұға ету дәстүрі бар деседі. Мұнда адамдар діни мерекелерде келіп, рухани тазалық пен тыныштық іздейді. Үңгірдің ерекше атмосферасы адамдарға рухани күш-қуат береді деп саналады.

Туристік тартымдылық Үңгірге жыл сайын көптеген туристер келеді. Мұнда олар керемет көрінісін тамашалап қана қоймай, ішкі құрылымын зерттеуге мүмкіндік алады. Салқын әрі таза ауа, әсіресер жазғы уақытта адамды сергітуге жақсы әсер етеді.

Табиғи сұлулық Үңгірдің ішіндегі әктас қабаттары, сталактиттер мен сталагмиттер табиғи сұлулықты бейнелейді. Жарық сәуле мен көлеңкелер оның көркемдігін арттыра түседі.

Ақпарат көзі: ГУ "Аппарат акима Туркестанской области"