22 мамыр сағат 18:30-да "Шалқыма" концерт залында қарағандылықтар мен қала қонақтарын Тәттімбет атындағы қазақ халық аспаптары академиялық оркестрінің концерттік маусымының жабылуына шақырады.

Солистер – ҚР еңбек сіңірген қайраткері Талғат Ыдырысов, Халықаралық байқаулардың лауреаттары Рысты Рахымжан және Абай атындағы ҚМАТ әншісі Дамир Сәдуақасов (Алматы қ.).

Бағдарламада – Тәттімбеттің "Азамат қожа", Тоқаның "Боз айғыр", Байжігіттің "Көк серке", Қазанғаптың "Ақжелен", Э. Куртис "Сорентоға орал", С. Мұхамеджановтың "Айсұлу" операсынан Серке квантинасы, А. Вивальдидің "Жыл мезгілдері" циклынан "Гроза", А. Әбдінұров "Аққу домбыра", Абайдың "Айтым сәлем Қаламқас", Л.Денца "На качелях", Ф. Сартори "Time To Say Goodbye", сондай-ақ "Гаухартас", "Ақбақай" халық әндері.

Дирижерлер – ҚР еңбек сіңірген қайраткері, оркестрдің көркемдік жетекшісі Әбдуғалисын Шоқанбаев, Мәдениет үздігі оркестр дирижері Ерлан Бақтыгерей және ҚР Композиторлар Одағының мүшесі Халықаралық байқаулардың лауреаты Әбілқайыр Сағымбаев.

Анықтама телефондары: 41-13-14, 41-22-30.

Ақпарат көзі: ГУ «Аппарат акима Карагандинской области»