4 маусым күні Ақтас кентінің мәдени-сауық орталығының алаңында Қазақстан Республикасының рәміздер күніне арналған «Тәуелсіздік Рәміздер» атты  қалалық акция мен патриоттық әндер мен өлеңдер  фестивалі өтті.Фестивальге  Ақтас кентінің С-300 зениттік-зымыран дивизиясының 44803 әскери бөлімі, Ақтас кентінің №13 ЖББМ мектеп оқушылары, Ақтас кентінің мәдени-сауық орталығының шығармашылық ұжымдары белсене қатысты.

       44803 әскери бөлімінің сержанты Сулейменов Даулет барша көрермендерге «Сейтектің күйі» күйін әскери бөлімдерінің атынан сый ретінде орындап берді. Фестиваль қатысушылары әдемі патриоттық әндерді жырлап, Отан жайлы өлең жолдарын оқыды.

       Ақтас кентінің мәдени сауық орталығының директоры Кульджабаева Майра Оразгазыновна фестиваль қатысушыларын диплом, алғыс хаттар және сыйлықтармен марапаттады.

Ақпарат көзі: ГУ «Аппарат акима поселка Актас»