2024 жылғы 17- 18 қыркүйек аралығында Тәжікстан Республикасының Душанбе қаласында Өнеркәсіптік қауіпсіздік жөніндегі мемлекетаралық кеңестің ХХІІ отырысы өтті.

Қазақстандық тараптан бейне-конференцбайланыс режимінде Өнеркәсіптік қауіпсіздік комитеті төраға міндетін атқарушы Алмаз Төлешұлы Олжағұлов қатысып, ӨҚМК мүше мемлекеттердің қауіпті өндірістік объектілердегі өнеркәсіптік қауіпсіздікті реттеу саласындағы заңнамасындағы өзгерістер және осы бағыттағы қызмет туралы;          Өнеркәсіптік қауіпсіздік саласындағы жас мамандардың кәсіби қызметі туралы баяндамалар жасады.

Кеңес жұмысына Әзербайжан Республикасы, Армения Республикасы, Беларусь Республикасы, Қырғыз Республикасы, Ресей Федерациясы, Тәжікстан Республикасы, Өзбекстан Республикасы өнеркәсіптік қауіпсіздік саласындағы мемлекеттік қадағалау органдарының өкілдері, сондай-ақ Тәуелсіз Мемлекеттер Достастығының Атқарушы комитеті мен БҰҰ Еуропалық экономикалық комиссиясының өкілдері де қатысты. Отырыста Қытай Халық Республикасы мен Түркіменстан өкілдері байқаушылар ретінде сөз сөйледі.

Отырыс қорытындысы бойынша қатысушылар 2023-2024 жылдардағы жұмыстың қорытындысын шығарды, қауіпті өндірістік объектілерде өнеркәсіптік қауіпсіздікті қамтамасыз ету саласындағы ынтымақтастық туралы келісімді іске асыру жөніндегі 2021-2026 жылдарға арналған негізгі іс-шаралар жоспарының орындалу барысын қарады.

Күн тәртібіне сәйкес делегаттар жыл бойы қауіпті өндірістік объектілердегі өнеркәсіптік қауіпсіздікті реттеу саласындағы ұлттық заңнамалардағы өзгерістер және осы бағыттағы қызмет туралы ақпарат алмасып, тау-кен өнеркәсібі объектілерін цифровизациялауға байланысты өнеркәсіптік қауіпсіздік саласындағы нормативтік базаны өзектендіруге қатысты мәселелерді қарады.

Бақылау-қадағалау қызметінде тәжірибе алу үшін қатысушылар Тәжікстандағы ең ірі Тұрсын Үлжабаев атындағы Нурек ГЭС электростанциясына барды.

Отырыс қорытындысы бойынша кездесудің қорытындысы шығарылып, сондай-ақ хаттамаға қол қойылды.

ҚР ТЖМ Өнеркәсіптік қауіпсіздік комитеті

Ақпарат көзі: Министерство по чрезвычайным ситуациям Республики Казахстан