Бүгін Талдықорған қаласының әкімі Ернат Бәзіл Талдықорған қаласының Ұлы Отан соғысы ардагерлерін қала күнімен құттықтады. «Жасы үлкенді қадірлесе – құт болар» демекші, қала басшысы Ернат Бәзіл қаламызда тұратын Ұлы Отан соғысы ардагерлерінің шаңырақтарына арнайы барып, құрмет көрсетіп мерейлі мерекемен құттықтады.Ең алдымен қала басшысы ғасыр жасаған Хусаинов Ысқақ атамыздың шаңырағында болып, қала күнімен құттықтап, сый-сыяпатын тарту етті. Бұдан кейін, Қаңтарбай Сәрсенбай атамызбен Чектыбаев Толеубай ақсақалдың шаңырағында да болып, ақ тілегін білдіріп, сый-құрметін көрсетті.Өз кезегінде ардагерлерімізде ризашылықтарын жеткізіп, қала тұрғындарына бейбіт те берекелі өмір тілеп, ақ баталарын берді.Айта кетейік, қаламызда 26 мыңнан аса ардагер бар болса, оның үшеуі Ұлы Отан соғысының ардагерлері.

Ақпарат көзі: ГУ «Аппарат Акима города Талдыкоргана»