Бүгін облыс орталығы Талдықорған қаласының «Жастар» саябағында ҚР-ның Конституция күніне орай «Ата Заңым-Айбыным» атты мерекелік шара өтті. Шара шымылдығын қала әкімі Ернат Бәзіл ашып, талдықорғандықтарды тұғыры биік ұлық мерекемен құттықтады.«Құрметті Талдықорған қаласының тұрғындары мен қала қонақтары!Баршаңызды тарихи мәні зор, мерейлі мереке – Қазақстан Республикасы Конституциясы күнімен шын жүректен құттықтаймын.1995 жылдың 30 тамызында қабылданған Ата Заң, мемлекет дамуы мен қоғамдағы азаматтық келісімнің негізіне айналды. Сол арқылы, Қазақстан жаңа дәуірге қадам басты. Мемлекет басшысы Қасым-Жомарт Кемелұлы Тоқаевтың бастамасымен, Біз, бүгінгі таңда, дамушы және мықты мемлекет ретінде, «Әділетті мемлекет. Біртұтас ұлт. Берекелі қоғам» деп қадам басқан тәуелсіз елге айналдық. Конституциямызда айтылғандай, еліміздің ең басты қазынасы – адам, оның құқығы мен бостандықтары болып табылады.Қадірменді ағайын! «Бірлік бар жерде, тірлік бар», -деп дана халқымыз бекер айтпаған. Конституцияның маңыздылығын терең сезіне отырып, мемлекетіміз бен қаламыздың гүлденіп, дамуы жолында Бірге қызмет ете берейік! Баршаңызды осы айтулы мерекемен құттықтай отырып, мықты денсаулық, бейбіт өмір, отбасыларыңызға бақ-береке тілеймін!Еліміз аман, жұртымыз тыныш болсын!», - деді қала әкімі құттықтау сөзінде.Мерекелік шара «Талдықорған әуендері» халықтық фольклорлық этнографиялық ән-би ансамбільінің концертімен жалғасты.

Ақпарат көзі: ГУ «Аппарат Акима города Талдыкоргана»