Талдықорғанда қала күніне орай қала әкімі Ернат Бәзіл көп балалы аналарға салтанатты түрде «Алтын» және «Күміс алқа» мемлекеттік наградаларын табыс етті. Қала әкімдігінің мәжіліс залында өткен салтанатты шарада аймақ басшысы 15 анаға алқаларын тағып, аналарға ақжарма тілегін білдірді.«Қоғамда отбасы құндылықтары маңызды рөл атқарады. Отбасында тағылымды-тәлім тәрбие алып өскен бала болашақта мемлекеттің дамуына өз үлесін қосары сөзссіз. Сол мемлекеттің болашағын тәрбиелеп, өсіріп отырған сіздер, аяулы аналар. Шаңырақтарыңызға бақ-береке тілеймін.Өсіріп отырған ұл-қыздарыңыз үкілеген үміттеріңізді ақтасын,-деді Талдықорған қаласының әкімі Ернат Бәзіл.Айта кетейік, бүгінде Талдықорғанда 200 мыңнан аса халық тұрса, оның 6 мыңнан астамы көпбалалы аналар.

Ақпарат көзі: ГУ «Аппарат Акима города Талдыкоргана»