Бүгін Талдықорғанда Абай күні өтті. Облыс әкімі Бейбіт Исабаев,

зиялы қауым өкілдері, жастар, қала тұрғындары облыс орталығындағы Ұлы ақынның

ескерткішіне гүл шоқтарын қойып, салтанатты рәсім «Абай оқуларына» ұласты.    

Атап өтсек, өткен жылы Талдықорғандағы Б. Римова атындағы драма театрының алдына Абай Құнанбайұлының ескерткіші қойылса, биыл тұңғыш рет ескерткіш алдында «Абай күні» ұйымдастырылып отыр.

Мерекелік шарада ардагерлер, жастар өкілдері, «Janr» әдеби клубының мүшелері Абайдың өлеңдерін, ақынға арнау жырларын жатқа оқып, ақынның әндерін шырқады. Қала тұрғындары

Абай шығармаларының ғасырдан ғасырға жаңғырып, бүгінгі күні баршамыз үшін мәңгілік рухани мұраға айналғанын атап өтті.

Сол сияқты Дәнеш

Рақышев

атындағы

облыстық

филармонияның

әншілері

Абайдың

«

Айттым

сәлем,

Қаламқас»,

«

Желсіз

түнде

жарық

ай»,

«

Көзімнің қарасы»

және

тағы басқа

әндерін жаңа

форматта

орындап, көрермендер назарына ұсынды.

«Былтырғы жылы Абай Құнанбайұлына Бикен Римова атындағы театрдың алдына үлкен ескерткіш қойсақ, биыл Абай күніне орай ұйымдастырылған іс-шараның қонағы болып отырмыз. Абайдың білімі, оның даналығы, артына қалдырған қазыналы сөздері әрқайсымыздың жүрегімізге жетуі керек. Жалпы үлкен де, кіші де Абайдың өмірін, шығармашылығын танып-білуі тиіс», - дейді қала тұрғыны Ғалия Ешенова.

Айта кетейік, Қазақстан Республикасы Үкіметінің Қаулысымен 2020

жылдан

бастап

10

тамыз «Абай күні» болып бекітілді.

 

Жетісу облысы әкімінің баспасөз қызметі.

Ақпарат көзі: Жетісу облысының әкімдігі