Қарағанды облысының тұрғындары республикалық "Таза Қазақстан" экологиялық акциясы аясында 110 мыңнан астам пластикалық бөтелкелерді балмұздаққа айырбастады. Акция халықты тәртіп орнатуға және қоршаған ортаның тазалығына қамқорлық жасауға тартуға бағытталған.

Кем дегенде бес пластикалық бөтелке әкелген әрбір адамға қатысуға ынталандыру ретінде балмұздақ берілді. Тазалық үшін күресте балалар мен жастар ерекше белсенділік танытты. Қабылдау пункттеріне отбасылар да келді.

Қарағандылықтар Майқұдық саябағында балмұздаққа бес пластик немесе шыны бөтелке ауыстырды. 50 мың бөтелке жиналып, 10 мың балмұздақ алды. 

Бұл шараға көбіне балалар мен жастар белсенділік танытты. Соның арқасында Майқұдық тазарып қалды. 

Акция облыс орталығының басқа да нүктелерінде жалғасады.

Теміртау тұрғындары 45 мың бөтелке жинап, 4500 порция балмұздақ таратты.

– Қала тұрғындары белсенді қатысты. Алдағы уақытта осындай акцияларды тұрақты негізде өткізуді жоспарлап отырмыз, – дейді Теміртау қаласы әкімінің орынбасары Самат Зияшев.

Акцияға қатысушылар 10 бөтелкені балмұздақ алатын талондарға ауыстырды. Ұйымдастырушылар контейнердің санын санап қана қоймай, оның тұтастығын тексерді.

Шахтинск тұрғындары 12 500 бөтелке тапсырды.

– Біздің тұрғындар акцияға белсенді қатысуда. Ең көп бөтелкелерді балалар мен орта жастағы адамдар тапсырды. Адамдар отбасылармен келді, қала бойынша жиналған бөтелкелер жинап балалар, еріктілер қатысты. Бірнеше сағат ішінде қала тазарып қалды, – деді Шахтинск ішкі саясат бөлімінде.

Қарқаралылықтар 4500 бөтелке жинады. Саран, Ақтоғай және Абай аудандарының тұрғындары тазалық эстафетасын қолдады. Олар сәйкесінше 2400, 3000 және 2000 бөтелке жинады.

Акцияның бастапқы кезеңінде Бұқар Жырау, Нұра және Шет аудандарының тұрғындары 2500-ге жуық бөтелке жинады.

Пластмасса, шыны жинау арқылы облыс тұрғындары қалдықтарды қайта өңдеуге және аймақты таза ұстауға үлес қосады. Ең бастысы, балаларға экологиялық мәдениет дағдылары үйретіледі.  Қоқыс жинау облыстың жас тұрғындары үшін бұрын-соңды осынша жағымды және қызықты іс-шара болған емес, өйткені олардың әрқайсысы балмұздақ алды.

Ақпарат көзі: ГУ «Аппарат акима Карагандинской области»