Қазақстанда азаматтардың өтініштері үшін жаңа сервис @TazaQazBot телеграм-чат-бот іске қосылды. Қоршаған ортаға қамқорлық танытатын тұрғындар проблемалар туралы осы қызметке жүгініп, хабарлай алады.

Сервисті ҚР Экология және табиғи ресурстар министрлігі "Таза Қазақстан" ауқымды акциясы аясында әзірледі.

Қазақстандықтарды тазалық пен тәртіпті сақтауға белсенді қатысуға шақырады. Жолдар, саябақтар, кіреберістер, жарықтандыру, абаттандыру және т. б. жағдайларға қатысты кез келген мәселе туралы хабарлауға болады.

Егер қоқыс шашылып жатқанын немесе бір зат қирап жатқанын көрсеңіз, бұл жерді суретке түсіріп, нақты мекен-жайы мен мәселенің сипаттамасы көрсетілген хабарламаны телеграм-ботқа жіберуіңіз керек.

"Өтінім түріндегі барлық ақпарат операторға оны жіктейтін және орындаушыны тағайындайтын жергілікті атқарушы органнан келеді", – делінген министрліктің хабарламасында.

Кері байланыс қарастырылған: келіп түскен шағымнан кейін не істелгені хабарланады және фотосурет қоса беруі тиіс. Осылайша өтініш беруші жұмыстың сапасын бағалай алады.

Ақпарат көзі: ГУ «Аппарат акима Карагандинской области»