Атырау облысында «Таза Қазақстан» экологиялық бағдарламасы аясында іс-шаралар жалғасуда.

Мәселен, 30 қыркүйекте «Таза Қазақстан» бағдарламасы аясында туған өлкенің табиғатына жанашыр атыраулықтар Жайық өзені жағалауын санитарлық тазарту акциясына қатысты.Атырау қаласы мен қала маңындағы ауылдық округтар халқын қамтыған табиғат қорғау акциясының мақсаты – экологиялық мәдениетті қалыптастыру, тұрғындардың туған өлке табиғатын сақтауға жауапкершілік сезімін күшейту.Акцияға қатысушылар қалаға өмір беріп тұрған өзеннің жағасын өсіп кеткен арам шөп пен жиналып қалған қоқыстан тазартты. Ұзын ырғасы 50 тоннаға жуық қоқыс шығарылды.

ТЖ режимі кезінде Жайықтың жағалауын бойлай 5 миллиондай топырақ салынған қап төселгені белгілі. Су деңгейі төмендегесін жағаны тазарту қажет болды.

«Инфо центр» қоғамдық бірлестігінің директоры Заманбек Кұракбайдың айтуынша, табиғатты қорғау акциясы жастардың санасында отансүйгіштік, туған өлкеге қамқорлық, өз қаласы үшін жауапкершілік сезімін қалыптастыруға ықпал етеді.

​- ТЖ режимі кезінде бүкіл қала халқы оны қорғап қалуға жұмыстанды. Ал, содан кейін «Таза Қазақстан» бағдарламасы аясында тек қала аумағын ғана емес, өзен жағалауын тазалау бойынша да ауқымды жұмыстар басталды. Волонтерлардың пікірінше, қала мен оның ауылдық округтарында тазалықты сақтау, ең алдымен, жастардың маңызды міндеті,-деді З.Құрақбай.

Айта кетейік, «Таза Қазақстан» экологиялық бағдарламасы аясында жасақталып, бекітілген іс-шаралар жоспарында жыл аяғына дейін 19 табиғат қорғау іс-шараларын іске асыру көзделген.

«Таза Қазақстан» бағдарламасы аясында бүгінгі күнге 13 сенбілік өткізіліп, оларға 45 мыңнан астам адам қатысып, 1016 дана техника тартылды, полигондарға 1500 тоннадан астам қоқыс шығарылды.

Ақпарат көзі: ГУ «Аппарат акима Атырауской области»