Теміртауда дәстүр бойынша 1 қазан қала күні тойланды. Биыл құрыш шаһарға 79 жыл. Осы оқиғаға орай үш күндік мерекелік марафон дайындалды.

Қала күні сенбі, 28 қыркүйекте тойлана бастады. Ескі қала саябағында бірнеше спорт түрлерінен, соның ішінде ұлттық спорт бойынша жарыстар өтті. Мереке ашық сахнада Қарағандыдан келген кәсіби әртістердің концертімен жалғасты. Аниматорлардың қатысуымен балаларға арналған ойын-сауық бағдарламасы ұйымдастырылды.

Жексенбіде жергілікті және қарағандылық әртістер "Восток" саябағында өнер көрсетті. Концерт жазғы хиттер шырқалған барлық ұрпаққа арналған дискотекамен жалғасты.

1 қазанда "Бірлік" саябағы мереке орталығына айналды. Бұл жерде балалар ойын алаңы, шеберлер көрмесі және тарихи-өлкетану мұражайы орналасқан. Әртістер қазақстандық Магнитканың құрылысы туралы театрландырылған көріністі сахналады.

-  Бұл мереке - біздің туған үйімізге деген ортақ сүйіспеншілігіміз, оның даңқты тарихына деген мақтанышымыз және оның жарқын болашағына деген сеніміміз. Біздің қала - ең алдымен еңбекқор, талантты және өз жерін сүйетін адамдардан құралған шаһар. Сіздердің арқаларыңызда ол жыл сайын жақсарып, дамып, өркендеп келеді, - деп қала әкімі Ғалым Әшімов теміртаулықтарды құттықтады.

Белгілі қазақстандық жұлдыздар Қазыбек Құрайыш пен JAMAN T концерт көрермендерін музыкалық нөмірлерімен қуантты.

Мереке түрлі-түсті отшашумен аяқталды.

Ақпарат көзі: ГУ «Аппарат акима Карагандинской области»