2025 жылғы 1 сәуірде Теміртау қаласының Жастар орталығында «Ынтымағы жарасқан ұлы ел» тақырыбында ұлтаралық қақтығыстардың алдын алу бойынша екі оқу семинары және тренинг өтті.

Іс-шараның негізгі спикері – Қазақстан Республикасы Президентінің жанындағы Мемлекеттік басқару академиясының өкілі, Республикалық этномедиация пулының лекторы Тоқатов Руслан Алтайұлы болды.

Семинар барысында қатысушылар қақтығыстардың алдын алу, тиімді коммуникация және этносаралық келісімді нығайту жолдары туралы жан-жақты білім алды. Оқыту процесін жеңіл әрі қызықты ету мақсатында тақырыптық брейн-ринг ұйымдастырылып, қатысушылар өз білімдерін тәжірибеде сынап көрді.

Сонымен қатар, іс-шара аясында қатысушыларға бейресми қарым-қатынас жасауға мүмкіндік беретін кофе-брейк ұйымдастырылды.

Семинар соңында барлық қатысушыларға сертификаттар, ал үздік нәтиже көрсеткен жеңімпаздарға дипломдар табысталды.

Ақпарат көзі: ГУ «Аппарат акима города Темиртау»