Атырау облысы Дін істері басқармасының қолдауымен, «Жәрдем-Атырау» корпоративтік қоры Дамба балалар-жасөспірімдер спорт мектебінің спортшылары мен жаттықтырушыларына «Терроризмнен сақтану – басты міндет» тақырыбында кездесу өткізді. Қатысқандар саны – 40 спортшы.

Жиынға облыстық ақпараттық-түсіндіру тобының мүшесі, «Жәрдем-Атырау» корпоративтік қорының теологы Асылбек Гумаров қатысты.

Дін маманы қатысушыларды қазіргі теріс діни ағымдардың түрлері, олардың әлеуметтік желілер мен мессенджерлер арқылы жастарды тарту әдістері, анонимді аккаунттар мен жалған діни сайттардың зиянын айтып, діни ақпараттарды тек қана арнайы мамандардан алу қажеттігін ескертті.

Сонымен қатар ҚР-ның діни қызмет пен діни бірлестіктер туралы заңнама талаптарын түсіндіріп және теріс сенімдегі діни топтардың ықпалына түспес үшін жан-жақты білім алуға, сауатты болуға шақырды.

Кездесу соңында спортшылар сұрақтарын қойып, ойларымен бөлісті.

Атырау облысы әкімдігінің баспасөз қызметі

Ақпарат көзі: Қазақстан Республикасының Терроризмге қарсы орталығы