Қаратал ауданы, Қаражиде ауылының тұрғыны, 88 жастағы тыл ардагері Жансерік Ахметов Елтай орта мектебіндегі №153 дауыс беру учаскесіне барып, дауыс берді.

– Мұндай ресми шара ел болашағы үшін аса маңызды. Халықпен санасып, халық үніне құлақ асып, жүйелі жұмыс жүргізіп жатқан ел азаматтарына алғыс айтып, әр істеріне береке тілеймін. Ең бастысы заман тыныш болсын. Біз көрген қиындық пен ауыртпалықты тәуелсіз елімнің жас ұрпағы көрмесін. Жас та, жасамыс та осы қасиетті жеріміздің, азат еліміздің гүлденуіне, көркеюіне атсалысайық, – дейді тыл ардагері.

Ақпарат көзі: Жетісу облысының әкімдігі