«Шарапат» орталығы қарттар мен мүмкіндігі шектеулі жандарға сапалы қызмет көрсетудің толық кешенін ұсынады.

Адам құқықтары жөніндегі ұлттық орталықтың қызметкерлері қатысушыларды Адам құқықтары жөніндегі уәкіл кеңсесінің қызметімен және азаптаулардың алдын алудың ұлттық алдын алу тетігі жұмысымен таныстырды.

Мүгедектердің құқықтары туралы конвенцияға Факультативтік хаттаманың ратификациялануына және Әлеуметтік кодекстің қабылдануына байланысты әлеуметтік қорғау саласындағы заңнамаға енгізілген өзгерістерге егжей-тегжейлі тоқталды.

Кездесу барысында мүгедектігі бар тұлғалар жеке көмекші, жеке такси, медициналық көмек көрсету және мүгедектер тобын құру мәселелерін көтеріп, түрлі мамандықтар бойынша білім алып, жұмысқа орналасу туралы ниеттерін білдірді. Барлық сұрақтарға тиісті түсініктемелер берілді.

Жалпы алғанда, 2023 жылы Уәкіл кеңсесі мүгедектігі бар тұлғалардың 120 өтінішін қарады, 40% жағдайда өтініш берушілердің өтініштері қанағаттандырылды. Олардың басым бөлігі мүгедектік тобын және еңбекке қабілеттілігін жоғалтуды белгілеу, әлеуметтік қорғау және жәрдемақы алу және т.б. мәселелерге қатысты.

Ақпарат көзі: Қазақстан Республикасындағы Адам құқықтары жөніндегі уәкіл