ВИЦЕ-МИНИСТР ТАЛҒАТ ЕШЕНҚҰЛОВ АЗАМАТТАРДЫ ЖЕКЕ ҚАБЫЛДАДЫ

Бүгін ҚР Ғылым және жоғары білім вице-министрі Талғат Ешенқұлов азаматтарды қабылдау орталығында тұрғындарды жеке қабылдады. Кездесу барысында вице-министр ғылым мен жоғары білімге қатысты негізгі мәселелер бойынша өтініштер мен ұсыныстарды тыңдады. Қабылдауға Астана, Алматы, Шымкент, Орал қалаларының тұрғындары келді.

Азаматтардың сұрақтары жоғары оқу орындарына түсуге, білім беру гранттарын бөлуге, сондай-ақ жоғары білім беру жүйесіндегі ағымдағы өзгерістерге қатысты болды. Талғат Ілиясұлы әрбір мәселе бойынша егжей-тегжейлі түсініктеме беріп, министрлік жоғары білімнің қолжетімділігі мен сапасын арттыру бойынша белсенді жұмыс істеп жатқанына тоқталды.

Ол осы саладағы мәселелерді шешу үшін халықпен өзара іс-қимылдың маңыздылығын атап өтті. Кездесу қорытындысы бойынша вице-министр тиісті департаменттерге туындаған сұрақтарды одан әрі шешу және министрлік жұмысында есепке алу үшін келіп түскен ұсыныстар мен шағымдарды қарауды тапсырды.

видео

Ақпарат көзі: Қазақстан Республикасы Ғылым және жоғары білім министрлігі