Өскеменге жұмыс сапары аясында ҚР Ғылым және жоғары білім вице-министрі Дархан Ахмед-Заки Үлбі металлургия зауытында болып, Атом станциялары үшін жылу бөлетін элементтердің бірегей өндірісімен танысты.

     «Үлбі-ЖБҚ» ЖШС базасында қуаты жылына 200 тонна жылу бөлгіш құрамалар (ЖБҚ) өндірісі жұмыс істейді (төмен байытылған уранды байытылған уранға қайта есептегенде), бұл жылына шамамен 440 ЖБҚ.

     Үлбі металлургия зауытында жаңа зауыт нөлден салынғанын, ал жұмыс істеу үшін қажетті жоғары технологиялық жабдық Франция, Германия, АҚШ және ҚХР-дан жеткізілгенін атап өтті. Framatome (ЖБҚ өндірісіндегі әлемдік көшбасшы) француз компаниясының заманауи технологиясы жылу бөлетін құрамаларды өндірудің негізгі технологиясы ретінде таңдалды. Сондай-ақ кәсіпорынның орналасқан жерін таңдау кезінде отын таблеткалары мен инженерлік коммуникациялардың, кірме жолдардың, қоймалардың, физикалық қорғаныс жүйелерінің және кәсіпорынның функционалдығы үшін қажетті басқа да желілердің қолданыстағы өндірісінің болуы ескерілді. Қазір ЖБҚ Қытайдың атом электр станциясына жеткізіледі.

     Атом саласы қызметкерлері күні қарсаңында Ғылым және жоғары білім вице-министрі Дархан Ахмед-Заки Үлбі металлургия зауытына барып, уран өндіру саласы бойынша ғылыми-технологиялық Хакатон кәсіпорнымен бірлесіп, ұйымдастыру мәселесін талқылады.

     Бұл іс-шаралар – Қызылорда қаласында өткен Хакатонның жалғасы. Мәселен, 20 қыркүйекте министрліктің бастамасымен Қорқыт ата атындағы университет базасында «Қазатомөнеркәсіп» ҰАК» АҚ-мен бірлесіп хакатон ұйымдастырылды. Өскеменде жоспарланған хакатон елдің уран өндіру саласының ғылыми-зерттеу әлеуетін дамыту және атом энергетикасы нарығында елдің тұрақты позициясын қалыптастыру жөніндегі кешенді іс-шаралардың келесі кезеңі болмақ.

     - Біздің ғылым, нақтырақ айтсақ, қолданбалы ғылым елдің нақты экономикасының сұраныстарын қанағаттандыруы керек. Сіздердің жобаларыңыздың мысалы біз үшін ғылыми сала мен өндірістің өзара іс-қимылының сәтті жағдайы ретінде өте маңызды. Ғылыми компонент тұрғысынан министрлік біздің ғылымның бизнеске қалай көмектесе алатындығына қызығушылық танытады. Біз, ең алдымен, отандық өңірлік жоғары оқу орындары үшін нақты әлеуетті көріп отырмыз, - деп атап өтті Дархан Ахмед-Заки.

     Сондай-ақ вице-министр ғылыми тәсілдерді пайдалана отырып, нақты технологиялық міндеттерді шешу мақсатында ғалымдар мен өндірушілердің күш-жігерін біріктіру үшін «Үлбі металлургия зауыты» АҚ-мен бірлесіп, Д.Серікбаев атындағы ШҚТУ базасында ғылыми-технологиялық хакатон өткізуді ұсынды.

Ақпарат көзі: Қазақстан Республикасы Ғылым және жоғары білім министрлігі