Ағымдағы жылдың «6» маусымында сағат 10.00-13.00 аралығында Қызылорда облысы, Жалағаш ауданы, Жалағаш кенті, Желтоқсан көшесі №7 мекен-жайында орналасқан «Қ.Қазантаев атындағы мәдениет үйі» ғимаратында Қызылорда облыстық терроризмге қарсы күрес жөніндегі жедел штабының үйлестірумен терроризм актілерінің алдын алуға және оның салдарын жоюға бағытталған жоспарлы жедел-тактикалық антитеррористтік оқу-жаттығу өткізіледі.

Іс-шараның мақсаты – терроризмге қарсы күрес жөніндегі Жалағаш аудандық жедел штабы күштері мен құралдарының өздеріне жүктелген міндеттерді орындауға дайындығын тексеру.

Азаматтарды сабыр сақтауға шақырып, оқу- жаттығуларға қатысатын құқық қорғау органдары қызметкерлерінің іс-әрекеттеріне түсіністікпен қарауларын сұраймыз.

Біле тұра жалған ақпарат таратудың ҚР ҚК 274-бабымен көзделген қылмыстық жауапкершілікке әкеп соғатынын естеріңізге саламыз. 

Қызылорда облыстық терроризмге қарсы жедел штабы.

Ақпарат көзі: Қазақстан Республикасының Терроризмге қарсы орталығы