Қазақстан ТЖМ құрамасы өрт-құтқару спорты бойынша әлем чемпионатынан елге оралды.

Бүгін өрт-құтқару спорты бойынша әлем чемпионатынан елге оралған спортшыларымызды қарсы алдық. Естеріңізге сала кетейік, жарыс 5-11 қыркүйек аралығында Харбин қаласында (Қытай Халық Республикасы) өтті, оған әлемнің 11 елі қатысты, ал қатысушылардың жалпы саны үш жүзден асты.

Әлем чемпионатында министрліктің құрама командасы жақсы нәтиже көрсетіп, Қазақстан құтқарушыларының рухын тағы бір мәрте көрсетті. Өрт эстафетасынан күміс және шабуыл сатысынан қола жеңіп алған әйелдер құрамасы ерекше көзге түсті.

Ер адамдар да артта қалмады, шабуыл сатысы және 100 метрлік кедергі жолағын еңсеру сияқты жекелеген түрлер бойынша жаңа ұлттық рекордтар орнатты. Жеке есепте қола медальді Қарағандыдан келген өрт сөндіруші Бауыржан Текенов жеңіп алды.

Халықаралық жарыстардың қорытындысы бойынша Қазақстанның әйелдер құрамасы 4 орынды, ерлер құрамасы 5 орынды иеленді, сондай-ақ біздің спортшылар 6 ұлттық рекордты жаңартты.

Жыл сайын министрлік басшылығы қазақстандық өрт сөндірушілер мен құтқарушылар спорт федерациясымен бірлесіп өрт сөндіру спортын дамыту бойынша шаралар қабылдайды.

ТЖМ Өртке қарсы қызмет комитеті

Ақпарат көзі: Министерство по чрезвычайным ситуациям Республики Казахстан