Жарқайың ауданы Пятигорское ауылында жаңа дәрігерлік амбулаторияның құрылысы жүріп жатыр. Бұл жоба Мемлекет басшысының әлеуметтік инфрақұрылымды дамыту жөніндегі тапсырмасы аясында жүзеге асуда. Жоба ауыл тұрғындарының алғашқы медициналық көмекке қолжетімділігін арттыруды көздейді.

Жаңа амбулатория 1800-ге жуық адамға, оның ішінде алты жақын маңдағы ауылдың тұрғындарына қызмет көрсетуге қауқарлы. Медициналық мекеме бір ауысымда 28 пациентті қабылдауға мүмкіндік береді, сондай-ақ 5 төсек-орындық күндізгі стационар жұмыс істейді. Қазіргі уақытта ғимараттың іргетасы қаланып, қабырғалары тұрғызылды.Құрылысты 2025 жылдың бірінші жартыжылдығында аяқтау жоспарланған.

Айта кетейік, Қазақстан Республикасы Үкіметінің шешімімен Ақмола облысындағы бірқатар ауылдарда жаңа фельдшерлік-акушерлік пункттер мен дәрігерлік амбулаториялардың құрылысын аяқтауға Арнайы мемлекеттік қордан 1,7 млрд теңге бөлінді.

Ақпарат көзі: ГУ «Аппарат акима Акмолинской области»