Жеке қасиеттерді бағалауға тестілеу 2024 жылдың 4-5 мамыр аралығында Қазақстан Республикасы Президентінің жанындағы Мемлекеттік басқару академиясының және оның филиалдарының базасында офлайн форматта өткізіледі. Тестілеуге жазылу заңнаманы білуге арналған тестілеуден өткені туралы хабарлама алған сәттен бастап ашылады. Кандидаттар ұсынылған нұсқалардың ішінен тестілеуден өту қаласын, күнін және уақытын таңдаулары қажет. Тіркеу бірінші кезекте толтыру қағидаты бойынша жүзеге асырылады. Кандидаттардың жеке қаситеттерін бағалау тестілеуі бастамашылдық (12), коммуникативтілік (12), талдамалық (12), ұйымдастырушылық (12), стратегиялық ойлау (12), көшбасшылық (12), әдептілік (12), сапаға бағдарлану (12), тұтынушыға бағдарлану (12), сыбайлас жемқорлыққа төзбеушілік (12) деңгейін анықтауға арналған тапсырмаларды қамтиды. Жеке қасиеттерді бағалауға арналған тестілеуді орындаудың жалпы уақыты 90 минутты құрайды.

Ақпарат көзі: Агентство Республики Казахстан по делам государственной службы