Бүгін халық тығыз қоныстанған және батыс өңірі жастарын жетекші жоғары оқу орындарында оқыту үшін нысаналы білім беру гранттары бойынша ақпараттық-түсіндіру жұмысы шеңберінде Маңғыстау облысындағы жетекші қазақстандық ЖОО-лар көрмесінің екінші күні өтті.

Екінші күні 20-дан астам қазақстандық университеттердің өкілдері Жаңаөзен талапкерлеріне өздерінің білім беру бағдарламаларын таныстырды. Бұл Абай атындағы ҚазҰПУ, С.Аманжолов атындағы ШҚУ, SDU University, Азаматтық авиация академиясы, Аризона университетінің филиалы (М.Қозыбаев атындағы СҚУ), Қазақ-Неміс тұрақты инженерия институты және т.б.

Көрмеге қатысқан халық тығыз орналасқан және батыс өңірлердегі Жаңаөзен мектептерінің оқушылары мен колледж студенттеріне жетекші жоғары оқу орындарында білім алу үшін мақсатты білім беру грантын алу мүмкіндіктері түсіндірілді, ол алғаш рет 2022 жылы ҚР Президенті Қасым-Жомарт Тоқаевтың тапсырмасы бойынша айқындалды.

ҚР ҒЖБМ Жоғары және жоғары оқу орнынан кейінгі білім беру комитеті төрағасының орынбасары Ақерке Абылайханның айтуынша, көптеген талапкерлер шетелдік жоғары оқу орындарының филиалдарына түсу бойынша сұрақтар қойды. Оларды шетелдік бағдарлама бойынша білім алу, үйден алыс кетпеу және ағылшын тілінде білім алу мүмкіндігі ерекше қызықтырды. 

Сонымен қатар Ақтау қаласындағы көрме өз жұмысын екінші күні де жалғастырды. Талапкерлер мен олардың ата-аналарының көптеген өтініштері бойынша екінші күні кәсіби бағдар беру бойынша «Грант түрлері мен талапкер жол картасы» семинары өткізілді, онда іс-шара қонақтарына байқаулар мен ұтыс ойындары форматында семинар спикерлері мектеп пәндерінен сұрақтар қойып, оларға ҰБТ-2024 тапсыру шарттарын түсіндіріп, пайдалы кеңестермен бөлісті. 

Екі күннің ішінде Ақтау және Жаңаөзен қалаларындағы көрме жұмыстарына 7 мыңнан астам мектеп оқушылары мен колледж студенттері қатысты.

Ақпарат көзі: Қазақстан Республикасы Ғылым және жоғары білім министрлігі