Қазақстан Республикасы судьяларының кезекті съезі қарсаңында Сот төрелігін жетілдіру жөніндегі халықаралық институттың басшысы Луис Мария Палма танысу сапарымен Жоғары Сот Кеңесіне келді. Сапардың басты мақсаты – Жоғары Сот Кеңесі мен Сот төрелігі академиясының қызметінің ерекшеліктерін зерделеу, сондай-ақ тәжірибе алмасу.

Құттықтау сөзінде Жоғары Сот Кеңесінің Төрағасы Д.М. Малахов халықаралық диалогтың, сондай-ақ Луис Мария Палманың Сот кеңестерінің жаһандық желісін құру жөніндегі бастамасының маңыздылығын атап өтті.

Жоғары Сот Кеңесінің мүшесі Н.У. Сисенова қатысушылардың назарына Кеңес қызметінің негізгі бағыттары, сондай-ақ оның құзыреті мен өкілеттіктерінің кеңеюіне орай Кеңестің рөлі мен мәртебесін нығайтуға қатысты соңғы заңнамалық жаңалықтар туралы ақпарат ұсынды.

Сот төрелігін жетілдіру жөніндегі халықаралық институттың басшысы Луис Мария Палма өз сөзінде Сот кеңестерінің жаһандық желісін құру идеясы, оның құрамы мен негізгі міндеттері туралы нақты ақпараттандырды.

Кездесу соңында тараптар екіжақты ынтымақтастықты дамытуға өзара мүдделілік танытты.

Жоғары Сот Кеңесінің аппараты

Ақпарат көзі: Қазақстан Республикасы Жоғары Сот Кеңесі