2023 жылғы 10 қаңтардан бастап бағаларды мемлекеттік реттеу белгіленген мұнай өнімдерін бөлшек саудада өткізуге шекті бағалар бекітілді.

Бұйрыққа сәйкес келесі маркалы бензиннің шекті бағасы сол деңгейде қалады.

Бағаларды мемлекеттік реттеу белгіленген стационарлық автожанармай құю станциялары арқылы мұнай өнімдерін бөлшек саудада өткізуге шекті бағалар қосылған құн салығын ескере отырып, мынадай мөлшерде белгіленсін:

1) АИ маркалы бензин-литріне 80 – 89 теңге;2) Аи-92 және Аи-93 маркалы бензин:

Қостанай, Солтүстік Қазақстан облыстарында-литріне 187 теңге;Астана, Алматы, Шымкент қалаларында, Ақмола, Ақтөбе, Шығыс Қазақстан, Батыс Қазақстан, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Абай, Жетісу, Ұлытау облыстарында-литріне 182 теңге;

3) Дизель отыны (жазғы, маусымаралық) – литріне 450 теңге;

Ақмола, Ақтөбе, Шығыс Қазақстан, Батыс Қазақстан, Қостанай, Солтүстік Қазақстан облыстарында, сондай-ақ Абай облыстарында:

Қазақстан Республикасында берілген жүргізуші куәлігін көрсеткен кезде тәулігіне 100 литрге дейінгі көлемде – литріне 260 теңге;Қазақстан Республикасында берілген жүк, арнайы, мамандандырылған автомобильдер мен автобустарға көлік құралын тіркеу туралы куәлік ұсынылған кезде тәулігіне 300 литрге дейінгі көлемде – литріне 260 теңге;

Астана, Алматы, Шымкент қалаларында, Алматы, Атырау, Жамбыл, Қарағанды, Қызылорда, Павлодар, Түркістан, Маңғыстау облыстарында, сондай-ақ Жетісу, Ұлытау облыстарында:

Қазақстан Республикасында берілген жүргізуші куәлігін көрсеткен кезде тәулігіне 100 литрге дейінгі көлемде – литріне 230 теңге;Қазақстан Республикасында берілген жүк, арнайы, мамандандырылған автомобильдер мен автобустарға көлік құралын тіркеу туралы куәлік ұсынылған кезде тәулігіне 300 литрге дейінгі көлемде – литріне 230 теңге.

Ақпарат көзі: ГУ «Отдел государственных активов и закупок города Сарани»