Алматы қ. ТЖД бастығының орынбасары Бағдат Чайзада Департамент  басшысы атынан қызметкерлердің отбасыларына индустриялық аймақтың жаңа өрт сөндіру депосының ғимаратында орналасқан 20 қызметтік пәтерден және Алатау ауданы Карпатская көшесіндегі № 14 өрт сөндіру бөлімінің күрделі жөндеуден өткен ғимаратынан кілттер табыс етті.

Қызметтік пәтерлерге қоныстанушылар қатарында радиотелефонисттер, өрт сөндірушілер-құтқарушылар, жүргізуші-нұсқаушылар, бөлімше командирлері, өрт сөндіру және авариялық-құтқару жұмыстарының спортшылары бар.

«Бүгін біз бәріміз қуанышты сәттің  куәгерлері  болып отырмыз. Біз сіздің халықтың қауіпсіздігін қамтамасыз етуге қосқан үлесіңізді бағалаймыз. Сондықтан қызметтік пәтерлердің кілттерін табыстау мен үшін үлкен мәртебе. Тұрмыстық жағдайды жақсарту гарнизон қызметкерлерінің тиімділігін арттыруға ықпал ететіні сөзсіз. Әкімдіктің қолдауымен жылдан жылға жаңа өрт сөндіру бөлімдері салынып жатқанын атап өткім келеді. Біз әрбір қызметкердің тұрғын үймен қамтамасыз етілуі үшін барлық мүмкін шараларды қабылдаймыз. Ішінде тек қана татулық пен береке, қуаныш пен бақыт, құт пен ырыс салтанат құрсын!», - деп Бағдат Чайзада жаңа қоныстанушыларды құттықтады.

«Бүгін менің отбасым үшін жаңа чәтті  кезеңдерінің бірі, қолдау үшін басшылығымызға алғыс айтқым келеді. Қазақстан Республикасына Қызмет Етемін!», - жас отбасы басшысы, 19-МӨСБ аға инженері, азаматтық қорғау лейтенанты Әлімғазы Нұрсұлтан өз пікірімен бөлісті.

Алматы қ.ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан