2023 жылдағы өнеркәсіп өндірісінің нәтижесі 2022 жылғы сәйкес көрсеткішпен салыстырғанда өнеркәсіптік өнімінің нақты көлемінің өсуі болып табылды.

       Өнеркәсіптік кәсіпорындармен және өндірістермен 1597,2 млрд. теңгеге өнім (тауар, қызмет) шығарылды, бұл өндірістің республикалық көлемінде 3,4%-ды құрайды. Өнеркәсіптік өндірістің индексінің көрсеткіші 2022 жылдағы деңгейге қатысты алғанда 104,3%-ға бағаланды.

       Облыстың өнеркәсіп өндірісінің құрылымында ең жоғарғы үлес (64,0%) тау-кен өндіру өнеркәсібі және карьерлерді қазу тиесілі. Өңдеу өнеркәсібіне 33,0%-ды, электр энергиясымен, газбен, бумен, ыстық сумен және ауаны кондициялаумен жабдықтау – 2,5%-ды, сумен жабдықтау; қалдықтарды жинау, өңдеу және жою, ластануды жою бойынша қызмет – 0,5%-ды құрады.

       2023 жылда тау-кен өндіру өнеркәсібі және карьерлерді қазуда 1022,2 млрд. теңгенің өнімі өндірілді, бұл алдыңғы жылдың деңгейіне қарағанда 0,1%-ға жоғары. Металл кендерін өндіруі 2,2%-ға өсті.

       Өңдеу өнеркәсібінде 2023 жылда 526,5 млрд. теңгеге өнім өндірілді, есепті жылда  2022 жылмен салыстырғанда өнеркәсіптік өндірістің индексі 110,0%-ды құрады. Көбею тамақ өнімдерін өндіруде – 25,7%-ға, машина жасауда – 16,5%-ға, металлургия өндірісінде – 8,1%-ға байқалды.

       Электр энергиясымен, газбен, бумен, ыстық сумен және ауаны кондициялаумен жабдықтауда 39,9 млрд. теңгеге өнім (тауарлар, қызметтер) өндірілді, өнеркәсіптік өндірістің индексі 105,4%-ды құрады. Электр энергиясын өндіру, беру және таратуда – 11,3%-ға өсу байқалды.

       Сумен жабдықтауда; қалдықтарды жинауда, өңдеуде және жоюда, ластануды жою жөніндегі қызметте 8,6 млрд.теңгеге өнім өндірілді, бұл алдыңғы жылдың деңгейінен 6,8%-ға жоғары. Көбею қалдықтарды жинау, өңдеу және жою; материалдарды кәдеге жарату (қалпына келтіру) саласында - 77,3%-ға, суды жинау, тазарту және бөлуде –  1,6%-ға байқалды .

       Облыс өңірлері ішінде өнім көлемі бойынша ең жоғары үлестік салмақты Аягөз ауданының өнеркәсіп өндірісі алады (жалпы көлемінің 43,9%-ы), Жарма ауданында – 19,7%-ы. Семей қаласында өнеркәсіп өндірісі облыстық көлемінің 30,3%-ы, Бородулиха ауданында – 4,1%-ы өндірілді.

________________________________________________________________________________________________

Әдіснамалық түсіндірмелер

Өнеркәсіптік өндіріс индексі – бұл салыстырылып отырған кезеңдердегі өнеркәсіптік өнім көлемінің өзгерісін сипаттайтын салыстырмалы көрсеткіш.

www.stat.gov.kz/ ҚР өңірлерінің статистикасы/Абай облысы/Электрондық кестелер/ Өнеркәсіп өндірісінің статистикасы

Орындаушы: ауыл шаруашылығы, өнеркәсіп және қоршаған орта статистикасы бөлім басшысының м.а.

М.У. Шокбатарова

Тел. +7 7222 52-49-18

Мекен-жайы:

180000, Cемей қаласы

Мәңгілік ел көшесі, 25

© Қазақстан Республикасы Стратегиялық жоспарлау және реформалар агенттігі Ұлттық статистика бюросы

Ақпарат көзі: Абай облысының әкімдігі