Ағымдағы жылдың 4 мамырында Қазақстан Республикасының Экология және табиғи ресурстар министрі Е. Нысанбаев пен Қазақстан Республикасының Өнеркәсіп және құрылыс Министрі К. Шарлапаевтың төрағалығымен ағаш өңдеу саласын дамыту мәселесі бойынша кеңес өтті.

Кеңеске орман шаруашылығы және жануарлар дүниесі комитетінің, Өнеркәсіп және құрылыс комитетінің, «Атамекен» ҰКП өкілдері және қоғамдық бірлестіктер мен бизнес өкілдері қатысты.

Кеңес шеңберінде бизнес өкілдерінің қолданыстағы заңнаманы жетілдіру, ағаш дайындаушыларға кепілдік беру және преференция беру, шикізат базасымен қамтамасыз ету, жол салу бөлігінде ағаш дайындау мен ағаш өңдеуді дамыту жөніндегі ұсыныстары тыңдалды.

Қазақстан Республикасының Экология және табиғи ресурстар министрі Е. Нысанбаев КДҚ шеңберінде ағаш дайындаушылар ағаш дайындау техникасын жеңілдікті пайызбен несиеге сатып ала алатынын, ал министрлік өз кезегінде осы мәселеде қолдау көрсетуге дайын екенін айтты, тиісті тапсырманы "Жасыл Даму"АҚ берді.

Қазақстан Республикасының Өнеркәсіп және құрылыс министрі К. Шарлапаев бірқатар нақты тапсырмалар берді:

- жол салу мәселесін қарау бойынша;

- ұлттық режимнен фанера өнімдерін алу мәселесін пысықтау бойынша;

- жиһаз өнеркәсібінде отандық өндірістің ағаш материалдарын пайдалану мәселесін пысықтау;

- Мемлекеттік сатып алуларда отандық өндірістік ағаш материалдарын сатып алу мәселесін пысықтау;

- жеңіл өнеркәсіпке ұқсастығы бойынша ағаш дайындаушыларға жеңілдікпен кредит беруді енгізу мәселесін пысықтау бойынша

- мәселені «KAZAKH INVEST «ҰК» АҚ-мен бірлесіп қарау, ағаш өңдеуді дамыту үшін шетелдік инвесторларды тарту бойынша;

- Ресей Федерациясынан фенол сатып алу мәселесін пысықтау бойынша.

Екі министрліктің өкілдеріне Ағаш өңдеу саласын дамыту жөніндегі жол картасын әзірлеу жөнінде тапсырма берілді, екі министрліктің де жауапты вице-министрлері бекітілді.

Отырыс қорытындысы бойынша 2 айда бір рет тұрақты негізде кеңестер өткізу туралы шешім қабылданды.

Ақпарат көзі: Министерство экологии, геологии и природных ресурсов Республики Казахстан