Ақмола облысының әкімі Марат Ахметжановтың Жақсы ауданына жұмыс сапары «Запорожье-Агро» ЖШС алаңдарын аралаудан басталды. Онда егіннің сапасын оң бағалап, өнгіштігі жоғары екенін атап өтіп, фермерлерге жақсы ауа-райы мен мол астық тіледі.

Өңір басшысы Запорожье ауылында бизнестің әлеуметтік жауапкершілігі аясында «Запорожье Агро» ЖШС салған дәрігерлік амбулаторияға барды.

Облыс әкімі ғимаратты аралап, медицина қызметкерлерімен әңгімелесіп, реанимобиль кілтін табыс етті.

Айта кетейік, дәрігерлік амбулатория бес ауылдың 3061 тұрғыны кіретін екі учаскеге қызмет көрсетеді. Медициналық ұйымның штаттық құрамы-12 адам. Фельдшерлік-акушерлік пункт жанында стоматолог кабинеті жұмыс істейді, күндізгі стационар 8 төсек-орынға есептелген.

Ақпарат көзі: ГУ «Аппарат акима Акмолинской области»