Бүгін Ақмола облысының әкімі Марат Ахметжанов облыс әкімінің ауыл шаруашылығы мәселелері жөніндегі жаңа орынбасарын таныстырды.

Қазақстан Республикасы Президенті Әкімшілігінің келісуі бойынша, облыс әкімінің өкімімен Балпан Мұрат Сағатұлы Ақмола облысы әкімінің орынбасары болып тағайындалды.

Мұрат Балпан 1970 жылы туған, Ақмола облысы Ақкөл ауданының тумасы. Қарағанды мемлекеттік техникалық университетін, А. Мырзахметов атындағы Көкшетау университетін және Омбы гуманитарлық-техникалық академиясын бітірген

Еңбек жолын 1989 жылы Ақкөл ауданы «Хлебороб» кеңшарының құрылыс учаскесінде жұмысшы болып бастаған.

1989-1994 жылдары Ақкөл ауданында ауыл шаруашылығы өндірісінің әртүрлі жауапты лауазымдарында жұмыс істеді.

1994-1998 жылдары Ақкөл ауданы Наумов ауылдық округінің әкімі болды.

1999-2000 жылдары Ақмола облысы әкімі аппаратында ұйымдастыру-бақылау бөлімінің консультанты, Целиноград ауданы әкімі аппаратының басшысы болды.

2000-2008 жылдары - Ақкөл ауданы әкімінің орынбасары.

2008-2009 жылдары «ҚТЖ» ҰК» АҚ – «Шаруашылық басқармасы» филиалының бөлім бастығының орынбасары, бастығы болып жұмыс істеді.

2019-2012 жылдары «Бәсекелестік саясатты дамыту және қорғау орталығы» АҚ департаментінің директоры, ҚР Бәсекелестікті қорғау агенттігінің тергеу департаменті мемлекеттік органдарының бәсекелестікке қарсы іс-қимылдарды тергеу басқармасының бастығы, ҚР Бәсекелестікті қорғау агенттігінің Қостанай және Солтүстік Қазақстан облыстары бойынша өңіраралық инспекциясының бастығы.

2012-2014 жылдары - Бұланды ауданының әкімі.

2014 жылдан 2015 жылға дейін - Ақмола облысы кәсіпкерлік және өнеркәсіп басқармасы басшысының орынбасары.

2015 жылдан 2017 жылға дейін - Ақмола облысы ауыл шаруашылығы басқармасының басшысы.

2017 - 2021 жылдары - Жарқайың ауданының әкімі болды.

2021-2022 жылдары - Ақмола облыстық мәслихатының хатшысы.

Осы тағайындауға дейін Аршалы ауданының әкімі қызметін атқарды.

Ақпарат көзі: ГУ «Аппарат акима Акмолинской области»