Ақмола облысының диқандары егін жинау науқанына дайын. Биыл өңірде 5,4 млн. га алқапта егін жинауды жүргізу жоспарлануда.  Егін орағына дайындық жұмыстары аяқталды.

Ақмола облысы әкімінің, ауыл шаруашылығы кәсіпорындары мен жұмылдырылған ұйымдар басшыларының қатысуымен өткен агрокеңесте еліміздің бас астық сынасын жинауды ұйымдастырылған түрде және сапалы жүргізуге дайындық деңгейі мен саланың өзекті мәселелері талқыланды.

Кездесуді аша отырып, Марат Ахметжанов бүгінгі таңда ең маңызды міндет егін жинауды тиісті деңгейде жүргізу екенін, оған облыс пен жалпы ел халқының азық-түлік қауіпсіздігі мен әл-ауқаты тікелей байланысты екенін атап өтті.

«Бұл республикадағы тиісті ресурстарды талап ететін ең ірі астық сынасы екенін атап өткім келеді. Жаппай жинау басталғанға дейін барлық қатысушылар жиналған егіннің сапасы мен көлеміне әсер етуі мүмкін кез келген кідірістер мен проблемаларды болдырмау үшін өз күштерін жұмылдыруы керек», - деді өңір басшысы.

Облыс әкімінің орынбасары Мұрат Балпан ауыл шаруашылығы құрылымдарының егін жинау науқанына дайындығы туралы баяндай отырып, ағымдағы жылы тек дәнді және бұршақ дәнді дақылдарды жинауды 4,7 млн га алаңда жүргізу жоспарланғанын, егістік алқаптарын әртараптандыру бойынша жұмыстар жүргізілгенін, майлы дақылдар алқабы 268,6 мың гектарға дейін, жемшөп алқаптары 421 мың гектарға дейін ұлғайтылғанын атап өтті.

Ағымдағы жылы егін жинауға барлығы 8,9 мың астық жинайтын комбайны, 2,6 мың жатқа және 4,8 мың жүк автомобильдері тартылатын болады. Жалпы сыйымдылығы 4,3 млн тонна болатын 65 лицензияланған астық қабылдау кәсіпорындары астық қабылдайды. Сонымен қатар, ауыл шаруашылығы өндірушілерінде 2,8 млн тоннаға астық қоймалары бар. Егін жинау жұмыстарын жүргізуге 83 мың тонна дизель отынының кепілдендірілген көлемі бөлінді.

Агро-кеңес барысында «А. Бараев атындағы астық шаруашылығы ҒӨО» ЖШС басқарма төрағасының орынбасары стратегия, тактика және егін жинауды ұйымдастыру туралы ұсыныстармен Юрий Долинный сөз сөйледі. «Агрофирма Родина» ЖШС директоры Иван Сауэр және «ЛОГОС ГРЕЙН» ЖШС бас директоры Арман Құдайбергенов жемшөп дақылдары мен майлы дақылдарды әртараптандыру тәжірибесімен бөлісті. «Агрофирма» ТНК» ЖШС бас агрономы Григорий Седов шаруашылықтарында егін жинау науқанын өткізу туралы, «Қазгидромет» РМК Ақмола филиалының директоры Бақыт Мақажанова егін жинау науқанын өткізу кезеңіндегі агрометеорологиялық жағдайлар туралы баяндады.

Кеңесті қорытындылай келе, Марат Ахметжанов мемлекет бөлетін қаражаттың нысаналы мақсаты, егістіктің 1 гектарына салық жүктемесін ұлғайту және тапсырмаларды орындамағаны үшін әкімдердің ерекше жауапкершілігін атап өтті.

Сонымен қатар, облыс әкімінің тапсырмасы бойынша облыстық жедел штаб құрылды. Осындай штабтар жергілікті жерлерде де жұмыс істейді. Штаб жанында үйлестіру кеңесі жұмыс істейді, ол аграрлық маусымның соңында жұмыс нәтижесіне бағалау жүргізеді және кәсіпорындар бойынша үздік қызметкерлерді айқындайды.

«Біз ауыл еңбеккерлері - механизаторлар мен мал өсірушілердің бұрынғы даңқын қайта жаңғыртамыз. Біз Қазақстанның агроөнеркәсіптік кешенінің орталығымыз. Егін орағының нәтижесі ауыл шаруашылығы қызметкері күніне орай шығарылады. Еңбек адамы әрқашан назарда болуы тиіс», - деп қорытындылады облыс әкімі.

Ақпарат көзі: ГУ «Аппарат акима Акмолинской области»