Целиноград ауданының Қызылжар ауылына жұмыс сапары аясында Ақмола облысының әкімі Марат Ахметжанов бизнестің әлеуметтік жауапкершілігі шеңберінде іске асырылған инвестициялық жобалармен танысты.

Ауылдың дамуына шамамен 2,6 млрд. теңге қаражат құйылды, соның арқасында елді мекенде медициналық орталық, тігін цехы, көпфункционалды кешен салынды. 

30 орынға есептелген медициналық орталықта емдеу кабинеті, рентген-кабинеті, күндізгі стационардың екі кабинеті бар.

Ауылда медициналық киім тігу бойынша тігін цехы жұмыс істейді. Кәсіпорын заманауи жабдықтармен жабдықталған. Сонымен қатар, бұйымдарға басып шығаруға арналған кесте тігу машинасы мен жабдықтары, үтіктеу жүйесі бар. Бір ауысымда тігін цехы 500 жиынтық арнайы киім тігеді.

Медициналық орталық пен тігін цехынан басқа кәсіпкер супермаркет пен білім беру және шығармашылық орталығы орналасқан көпфункционалды кешен салды.  Орталыққа 180-ге жуық бала барады. Олар үшін би, спорт, көркемөнер үйірмелері, сондай-ақ домбыра үйірмесі, шахмат және т. б. жұмыс істейді.

Ауылда фитнес орталығы, монша-сауықтыру кешені, кафе-наубайхана, медицина қызметкерлеріне арналған аз қабатты көппәтерлі тұрғын үй кешені салынуда.

«Мельс» ЖШС бас директоры Ерлан Сүлейменовтің алдағы жоспарларында кәсіби техникалық колледж, 150 орындық балабақша және кинотеатры бар мәдениет үйін ашу, сонымен қатар жұмыскерлерге арналған шағын отбасылық жатақханасы, ұлттық стильдегі қонақ үй кешені бар демалыс аймағын ашу және дәрілік препараттарды қайта өңдеу фабрикасын салу көзделген. Ауылда инфрақұрылымды одан әрі дамыту үшін кәсіпкер 5 сатылы тазартумен кәріз-тазарту құрылыстарын салуды жоспарлап отыр.

Өңір басшысы жайлы өмір сүру ортасын құра отырып халықтың өмір сүру сапасын жақсартуға ықпал ету бағытында атқарылып жатқан жұмыстарға оң баға берді.

«Қызылжар ауылын тірек ауылдар қатарына жатқызуға болады. Президент өз Жолдауында атап өткендей, біз осындай азаматтарды қолдаймыз», - деп атап өтті Марат Ахметжанов.

Ақпарат көзі: ГУ «Аппарат акима Акмолинской области»