Құрметті мемлекеттік қызметшілер, құрметті ардагерлер!

 Сіздерді кәсіби мерекелеріңізбен шын жүректен құттықтаймын!

Мемлекеттің тұрақты дамуы мен азаматтарымыздың өмір сүру деңгейін арттыруда мемлекеттік қызметшілердің жұмысы маңызды рөл атқарады.

Қазақстан Республикасының Президенті Қасым-Жомарт Тоқаев атап өткеніндей, «Мемлекеттік қызмет – еліне, халқына қызмет ету. Бұл ерекше кәсіп. Сондықтан, бұл жолды таңдаған мемлекеттік басқарушылар оларға ерекше талаптар, олардан ерекше сұраныс бар екенін түсінуі керек».

Бүгінгі таңда республиканың мемлекеттік басқару жүйесі қоғамның қажеттіліктеріне тиімдірек жауап беру және әрбір азаматтың өмірін жақсартуға көмектесу мақсатында реформалануда. Бұл сіз бен бізге үлкен жауапкершілік жүктейді. Мемлекеттік қызметшінің жұмысы кең ауқымды білімді, үлкен жауапкершілікті, төзімділікті қажет етеді. Сондай-ақ, табысқа жету әрқайсымыздың тәжірибемізге, өзімізге деген сенімділік пен жеке қасиеттерімізге байланысты.

Құрметті әріптестер!

Бүгін біздің алдымызда жаңа күрделі міндеттер тұр. Бірлескен күш-жігер арқылы ғана біз дамыған, гүлденген мемлекет құра аламыз және азаматтардың мемлекеттік билік пен жергілікті өзін-өзі басқару институттарына сенімін нығайта аламыз. Әрқайсыңыздың өз мамандығыңызға деген адалдығыңыздың, отансүйгіштік пен ең жақсы адами қасиеттеріңіздің арқасында бұл мақсаттарға қол жеткізе алатынымызға сенімдімін.

Осы мереке күні Сіздерге зор денсаулық, бейбітшілік пен бақ-береке, кәсіби қызметтеріңізге табыс тілеймін!

Ақпарат көзі: ГУ «Аппарат акима Акмолинской области»