Облыс басшысы Марат Ахметжановтың қабылдауына келгендер білім беру, тұрғын үй саласы бойынша, сондай-ақ, мүмкіндігі шектеулі жандар үшін жұмыс орындарын құру, медининалық көмек көрсету тәрізді көптеген әлеуметтік-тұрмыстық мәселелерді көтерді.

Облыс орталығының тұрғыны Ерлан Бүкішев кәсіпкерлікті дамыту арқылы мүмкіндігі шектеулі жандар үшін жұмыс орындарын құру мәселесімен жүгінді.

Целиноград ауданы Қоянды ауылының тұрғындары Хадет Жайнагүл мен Нұрбота тұрғын үй сатып алуға көмек көрсету туралы өтініш білдірді. Олардың сөзінше, көктемгі су тасқыны кезінде үйлерін су басқан.

Өңір басшысы тұрғындарды тыңдап, азаматтардың өтініштері назардан тыс қалмайтынын және барлық көтерілген мәселелер белгіленген заңнама шеңберінде шешілетінін атап өтті.

Аудан әкімдеріне және салаға жауапты басқармалардың басшыларына халықтың мәселесін уақтылы қарау және шешу қажеттілігі туралы тиісті тапсырмалар берілді.

Ақпарат көзі: ГУ «Аппарат акима Акмолинской области»