Республиканың негізгі астық аймағында егін жинау науқаны белсенді жалғасуда.

Жергілікті фермерлер былтырғы межеден асып түсіп, 5 миллион тонна астық бастырды. Бүгінгі таңда бұл астықты аймақтар арасындағы үздік көрсеткіш болып отыр.

Егін жинау науқанының қорытындысы бойынша 6 млн тоннадан артық астық бастыру жоспарлануда. Бұл болжамды көлемнен едәуір артық.

Осы жылдың 30 қыркүйегіндегі жағдай бойынша өңірде 5,4 млн га дәнді және бұршақты дақылдардың 3,8 млн га-ға жуығы жиналды, бұл жоспарланған алқаптардың 80% құрайды.

Ауыл шаруашылығы басқармасының басшысы Кенеш Әлімжановтың айтуынша, жиналған егіннің жартысынан көбі - жоғары сапалы астық.

«Облыс элеваторларына түскен биылғы егіннің 60%-ы - 3 санаттағы астық. Бұл өңірдің ауыл шаруашылығы тауарын өндірушілеріне астықты нарықтық бағамен сатуға мүмкіндік береді», - деп атап өтті облыстық ведомство басшысы.

Өңірдегі озат шаруашылықтардың жекелеген алқаптарындағы өнімділік шамамен 57 ц/га жетеді. Мысалы, Бұланды ауданының «Журавлевка-1» ЖШС сияқты алдыңғы қатарлы шаруашылықтарда бидай өнімділігі 57 ц/г таяу.

«Биыл біздің алқаптарымыздың жалпы ауданы 116 мың гектарды құрады, оның ішінде дәнді және бұршақты дақылдар алқабы 71 мың гектарды алып жатыр. Оңтайлы ауа-райы орақ науқанын тиімді жүргізуге сеп болды. Бүгінгі таңда біз 60 мың га жерді орып үлгердік. Орташа өнімділік гектарына 30 центнерді құрайды. Қажетті минералды тыңайтқыштарды қолданудың және агротехникалық шараларды сақтаудың арқасында жекелеген алқаптарда өнімділік гектарына 50 центнерден асып түсті», - дейді «Журавлевка-1» ЖШС бас директоры Ерлан Тоқанов.

Сонымен қатар, Сандықтау ауданының «Максимовское» ЖШС-де бидай өнімділігі 40 ц/га-дан астам, Зеренді ауданының «Дихан Плюс» ЖШС-де бидай өнімділігі 33 ц/ га.

Алдағы күндері аймақтың көптеген ауылшаруашылық кәсіпорындары жоспарланған көлемді жинап, егін жинау науқанын аяқтайды деп күтілуде.

Ақпарат көзі: ГУ «Аппарат акима Акмолинской области»