Өңір мен елдің әлеуметтік-экономикалық дамуына үлес қосқан ақмолалықтар Республика күніне арналған салтанатты жиналыста марапатталды. Олардың елеулі еңбегін ескерудің нышаны ретінде марапаттау рәсімінде мемлекеттік наградалар, ведомстволық медальдар табыс етілді, сондай-ақ «Ақмола облысының құрметті азаматы» атағы берілді.

Облыс әкімі Марат Ахметжанов өз сөзінде Республика күні бірліктің, патриотизмнің және ұлттық сананың бейнесі екенін атай келе, оның барлық қазақстандықтар үшін ерекше маңыздылығын сөзге арқау етті.

«Қазақстанның Мемлекеттік Егемендігі туралы Декларацияның қабылдануы еліміздің тарихында жаңа дәуірдің басталуын айшықтаған  тәуелсіздік жолындағы маңызды қадам болды. Бұл негізгі құжат Қазақстан үшін халықаралық деңгейде дербес ел ретінді танылуға тың өріс ашты. Бұл ретте біздің Президенттің дипломатиялық тәжірибесі және оның әлемдік аренадағы жоғары беделі маңызды рөл атқарды. Әрине, ел жетістігінде ақмолалықтардың да үлесі зор. Бүгінде Ақмола облысы Қазақстанның стратегиялық даму басымдықтарын іске асыруға белсенді қатысуды жалғастыруда», - деп атап өтті Марат Ахметжанов.

Өңір басшысы сондай-ақ облыстың агроөнеркәсіптік кешендегі, тұрғын үй-коммуналдық шаруашылықтағы, білім берудегі, спорттағы және басқа да салалардағы негізгі жетістіктеріне тоқталды.

«Ақмола облысы елеулі нәтижелер көрсете отырып қарқынды дамуын жалғастыруда. Бүгінгі таңда біз еліміздің негізгі астық аймақтарының бірі екенімізді тағы бір рет дәлелдедік – біздің аграршылар шамамен 6,6 млн тонна астық бастырды. Облыс орталығында кәріз және су тазарту құрылыстарын салу, ЖЭО салу, сондай-ақ «AQMOLA INVEST» инвестицияларды дамыту орталығын құру сияқты ірі инфрақұрылымдық жобалар іске асырылуда, заманауи мектептер мен медициналық мекемелер салынуда. Бұл біздің тұрғындардың өмір сүру сапасын жақсартуға ықпал етеді», - деп атап өтті М.Ахметжанов.

Марапатталғандардың арасында Жарқайың ауданындағы «Коммунсервис» мемлекеттік коммуналдық кәсіпорнының ұстасы Бауыржан Сүлейменов бар. Ол мемлекеттік награда – ІІІ дәрежелі «Еңбек Даңқы» орденіне ие болды.

«Біздің еліміз өркендеп, егемендігіміз мәңгілік болсын. Мемлекет басшысына біздің еңбегімізді жоғары бағалағаны және қолдағаны үшін алғыс айтамын. Біз өз кезегімізде Отанымыздың игілігі үшін жұмыс істеуді жалғастырамыз», - деді Б.Сүлейменов.

Салтанатты шара шығармашылық ұжымдар дайындаған мерекелік концерттік бағдарламамен аяқталды.

Ақпарат көзі: ГУ «Аппарат акима Акмолинской области»