Бүгін төтенше жағдайлардың алдын алу және қысқа мерзімде шешім қабылдау аясында азаматтық қорғаныс қызметтерінің басқару органдарының өзара іс-қимылын жетілдіру, олардың арнайы күштері мен құралдарының өрт қауіпі бар кезеңіне дайындығын тексеру мақсатында Мәртөк ауданы, Мәртөк ауылы аумағында табиғи өртті сөндіру бойынша арнайы тактикалық оқу-жаттығу жиыны өткізілді.

Арнайы оқу-жаттығу жиынына облыс әкімінің орынбасары А.Есенбаев, аудан әкімдері және ТЖД басшылығы қатысты.

Қалалық және аудандық өрт сөндіру бөлімшелерінің күштері мен құралдары, Мәртөк, Қарғалы, Қобда аудандарының ерікті өртке қарсы құралымдары, орман шаруашылығы қызметкерлері, медицина қызметкерлері, атқарушы органдар аталған жиынға жұмылдырылды.    

Өңір басшысының орынбасары оқу-жаттығулар қатысушыларымен әңгімелесіп, олардың төтенше жағдайларда әрекет ету алгоритмі туралы сөз қозғалды.

Сценарий бойынша ауа температурасының күрт жоғарлауына байланысты дала алқабының құрғақ шөптерінің жануы орын алды. Салдарынан Мәртөк ауданының орман қорына өту қаупі туындады. Төтенше жағдай орнына жалпы саны 183 адам және 35 бірлік техника болатын күштер мен құралдар жұмылдырылып, өртті орман-дала өртін сөндірді.

Тактикалық оқу-жаттығу жиынының нәтижелері бойынша лауазымды тұлғалар мен қатысушылардың өзара іс-қимылына талдау жүргізіліп, баяндамалары тыңдалды. Жалпы, жеке құрам қойылған міндеттерді іске асырды, сондай-ақ нақты жағдайларда тиісті тапсырмаларды орындауға дайын.

Ақтөбе облысы ТЖД

Қоғаммен байланыс тобы

Ақпарат көзі: Министерство по чрезвычайным ситуациям Республики Казахстан