«Бір

терезе»

қағидаты

бойынша

әр аптаның жұмасында

Ақтөбе

облысының

кәсіпкерлер

палатасының

алаңында

ауыл

шаруашылығы

саласына жауапты

мемлекеттік

құрылымдардың

басшылары

шаруаларды

проблемалық

мәселелерімен

қабылдайды.

Облыс әкімінің тапсырмасына сәйкес «Атамекен» кәсіпкерлер палатасында  ауыл шаруашылығы саласындағы мемлекеттік мекемелер мен қаржы институттарының басшылары, өңірлік палата өкілдері бір мезетте жеке қабылдау жүргізеді. Қабылдау уақыты кестеге сәйкес сағат 10.00-ден 12.00-ге дейін бекітілді. Бүгін алғашқы кездесу шарасы өтті.

«Біздің міндетіміз – фермерлер мен шаруа қожалықтарының басшыларын кабинеттерге барудан мейлінше азайтып, сол арқылы олардың мәселесін шешуді жеделдету, сондай-ақ олардың қызметін жақсартуға жәрдемдесу. Қабылдауды бірінші басшылар тікелей жүргізеді. Барлық өтініштер арнайы журналда тіркеліп, сондай-ақ оның орындалуыда жазылады. Біз сол жерде жауап беруге тырысамыз, қажет болған жағдайда мәселені қосымша зерделеп, кәсіпкерге тиісті жауаптар беріледі. Мысалы, бүгінде Агрокредиттік корпорацияда несиелеу, ҚазАгроҚаржы желісі бойынша техника алу, сондай-ақ ауыл шаруашылығы өнімдерін өткізуге жәрдемдесу, шегірткеге қарсы күрес мәселелері жөнінде сөз қозғалды», - деп түсіндірді облыстық ауыл шаруашылығы басқармасының басшысы Құсайын Сәрсенбаев.

«Мен Мұғалжар ауданынан келдім. Бірінші басшыға қабылдау әрдайым мүмкін емес, сонымен қатар барлық мәселелерді бір уақытта бір жерде айту арқылы уақытымызды үнемдейміз. Біздің шаруашылық көкөніс өсірумен айналысады. Қияр, асқабақ және басқа да көкөністер пісіп үлгерді. Одан кейін қауын, қарбыз піседі. Облыс орталығы базарынан орын беруге көмек сұрадым. Менің сұрағым бірер минут ішінде шешілді. Маған коммуналдық базарда тегін орын берілсе, сатып алушылар жергілікті көкөністерді тиімді бағамен алады», — деп бөлісті «Бестөбе» шаруа қожалығының басшысы Нұрлыбек Махамбетов.

Облыстың ауыл шаруашылығы басқармасы басшысының ақпараты бойынша, «Табыс» коммуналдық базарымен жергілікті ауыл шаруашылығы тауарын өндірушілер үшін тегін сауда нүктелерін ұсыну мәселесі пысықталды. Осындай жұмыс Ақтөбенің басқа базарларының басшылығымен де жүргізілетін болады.

Естеріңізге сала кетейік, ауыл шаруашылығы құрылымдары басшыларының апта сайынғы қабылдауы әр жұма сайын Ақтөбе облысының кәсіпкерлер палатасында Ақтөбе қаласы, Сәңкібай батыр даңғылы, 22К, 1 қабат, үлкен конференц-зал мекенжайы бойынша өтеді.

Ақпарат көзі: ГУ «Акимат Актюбинской области»