Оқу-жаттығуға облыс әкімінің орынбасары Асылбек Есенбаев қатысты.  

 Ақтөбе облысы ТЖД Қоғаммен байланыс тобының ақпаратына сәйкес, оқу-жаттығу сценариі бойынша 25 қабатты тұрғын үйдің 21 қабатындағы пәтерде тұрмыстық үй заттары мен жиһаз жанып, салдарынан қатты түтін пайда болды. Пәтер иесінің көршісі дереу түтінді байқап, Ақтөбе қаласының өрт сөндіру қызметінің «101» желісіне өрт туралы хабарлайды. Оқиға орнына келген өрт сөндіру бөлімшелері тұрғындарды түтін баспайтын баспалдақ маршы, автосаты және альпинистік жабдық арқылы адамдарды құтқарып, эвуакациялады. Адамдарды биіктіктен эвакуациялауға арналған «Өмір кубы» орнатылды.

Полиция департаменті қызметкерлері қоршау қойып, өрт сөндіру техникасының кедергісіз өтуін қамтамасыз етті және психологтардың жұмысы ұйымдастырылып, эвуакацияланған тұрғындарға Апаттар медицинасы орталығының дәрігерлері алғашқы медициналық көмек көрсетті. Өрт сөндіру қызметінің өрт сөндірушілері биік үйдегі өртті сөндіру тактикасын пысықтады.

Оқу-жаттығу аяқталғаннан кейін жұмыстарға талдау жүргізілді. Оқу-жаттығуға 21 бірлік техника мен жеке құрамның 89 адамы жұмылдырылды.

 Тұрғын үй кешенінің тұрғындарымен төтенше жағдайлар туындаған кездегі іс-әрекеттер туралы білімдерін шыңдауға бағытталған үгіт-профилактикалық әңгімелер өткізілді.

Төтенше жағдайлар министрлігі халыққа қауіпсіздік шараларын үйретуге барынша күш салуда.

Ақпарат көзі: ГУ «Акимат Актюбинской области»