Халықаралық балаларды қорғау күніне орай 2004 жылы мектеп бітірген 30 түлектің қолдауымен Жарма ауданы Үшбиік ауылының жастар клубында бокс алаңы ашылады. Жаңа спорт нысаны 6 жастан 17 жасқа дейінгі жасөспірімдерге арналған. Алаң жастарды салауатты өмір салтына, спортпен шұғылдануға баулу мақсатында құрылған.

100 шаршы метрлік алаң жаттығу процесіне қажетті барлық заттармен жабдықталған: төрт бокс тұлыбы, ринг және әртүрлі жаттығу құралдары бар. Ресми ашылуы 9 маусымда өтеді.

Ақтайлақ би атындағы орта мектеп түлектерінің бастамасы ауданның спорттық инфрақұрылымын дамытуға елеулі үлес қосады.

Ақпарат көзі: Абай облысының әкімдігі