Абай күніне арналған шараға зиялы қауым, азаматтық қоғам өкілдері, еңбек ардагерлері, этномәдени бірлестік мүшелері, кітапхана оқырмандары, қала тұрғындары мен қонақтар қатысты.

Облыс әкімінің орынбасары Жолдас Батырхан, философия  ғылымдарының  докторы, профессор, әлеуметтік ғылымдар  академиясының  академигі, абайтанушы, Ақтөбе  облысының  Құрметті азаматы  Алтай Тайжанұлы, облыстық  мәслихат депутаты, ақын  Бижан  Қалмағанбетов  қатысып, бұл күннің маңыздылығына тоқталып, жылы лебіздерін  білдірді.

Сонымен қатар, Т.Ахтанов атындағы Ақтөбе облыстық драма театрының әртісі Кеңесбай Кемалбаев Абай рөлін сомдап  «Қара сөзін» оқыды. Ғ.Жұбанова атындағы Ақтөбе облыстық филармонияның әншісі Бэджа Калмыков Абайдың «Айттым саған қаламқас» әнін нақышына  келтіріп  орындап  берді.

Қаламыздың  жалпы білім беретін мектеп оқушылары  Абайдың  өлеңдерін ағылшын тілінде мәнерлеп оқып, қала тұрғындарының  ықыласына  бөленді.

Шара  барысында  «Абай мұрасы – халық қазынасы»  кітап  көрмесі  ұйымдастырылды.

Ақпарат көзі: ГУ «Акимат Актюбинской области»