Ағымдағы жылы Мысыр Үкіметі басшысының бастамасымен Каирде ХІ халықаралық дәстүрлі өнер және поэзия фестивалі өтті.

Мәдени шараға Қытай, Үндістан, Оңтүстік Судан, Палестина, Жапония, Колумбия мемлекеттерімен қатар Мысыр елінің отыздан астам шығармашылық өнер ұжымдары қатысқан.

Арнайы комиссия шешімімен Абайдың шығармашылық мұрасы (өлеңдері мен қарасөздері) «Адамзат өркениетіне қосқан үлесі үшін» арнайы сыйлығына лайық деп танылды. Марапаттың ескерткіш сыйлығы мен куәлігі Қазақстан Республикасының Мысыр Араб Республикасындағы Елшілігіне салтанатты түрде табыс етілген.

Мысыр елі жолдаған осы марапатты музейге Абай облысының бас имамы Асқар қажы Әбітайұлы тапсырды.

Ақпарат көзі: Абай облысының әкімдігі