2024-2025 оқу жылына арналған облыстық бюджет қаражаты есебінен конкурстық негізде білім беру грантына өтініштерді қабылдау басталды (Абай облысы әкімінің гранты).

Конкурсқа қатысу үшін өтініштер осы жылдың   5-10 тамыз аралығында https://abay-abiturient.kz/ ақпараттық жүйесі арқылы жүзеге асырылады.

2024 жылдың тамыз айында конкурстық комиссияның отырысы өткізіліп, онда грант иегерлері айқындалады. Грант иегерлерінің тізімі 20 тамыздан кейін білім басқармасының сайтында жарияланады.

2024-2025 оқу жылына арналған шекті балл:– «Құқық» және «Педагогикалық ғылымдар» білім беру саласы үшін кемінде 75 балл,– «Денсаулық сақтау және әлеуметтік қамсыздандыру (медицина)» саласы бойынша кемінде 70 балл,– ұлттық жоғары оқу орындарына түсу үшін кемінде 65 балл,– «Ауыл шаруашылығы және биоресурстар», «Ветеринария» кемінде 60 балл,– басқа жоғары оқу орындары кемінде 50 балл жинауы керек.

Білім беру грантына түсетін үміткерлерге тағайындалған жеңілдіктер Қазақстан Республикасы Үкіметінің 2012 жылғы 28 ақпандағы № 264 қаулысында көрсетілген квоталар бойынша анықталады.

Конкурсқа қатысу үшін қажетті құжаттар тізімі: өтініш; білім туралы құжат (аттестат немесе диплом қосымшасымен) - тұпнұскасы; жеке куәлiк көшірмесі; 075/У үлгісіндегі медициналық анықтама; тестiлеу нәтижелерi бар сертификат; 3*4 фотосурет - 4 дана.

Ақпарат көзі: Абай облысының әкімдігі