Форум аясында Абай облысы мен Өзбекстан Республикасының Навои, Жызақ облыстары арасында сауда-экономикалық, ғылыми және мәдени салалардағы ынтымақтастық туралы келісімге қол қойылды.

Биылғы 9 айда Абай облысы мен Өзбекстан өңірлері арасындағы тауар айналымы $30 млн-нан асты. Облыс әкімінің орынбасары Әділбеков Мұсабаевтың айтуынша, сауда-экономикалық қатынастардың одан әрі өсуі үшін зор әлеует бар.

Форум аясында агроөнеркәсіптік кешен және қызмет көрсету саласында инвестициялық жобаларды ұйымдастыру бойынша бірқатар өзбек компанияларымен уағдаластықтарға қол жеткізілді.

Бүгінгі таңда Өзбек компаниялары Абай облысында жылына 3 млн жұмыртқа өндіретін құс фабрикасын салуға мүдделі. Сондай-ақ ауыл шаруашылығы өнімінің экспорты саласында тауар айналымын ұлғайту қарастырылуда.

«Біз өңдеу, жеңіл өнеркәсіп және ауыл шаруашылығы өнімдерін терең өңдеу саласындағы жобаларға ерекше назар аударамыз. Абай облысы кейіннен қайта құрылған облыстардың бірі саналады және біз өзбек тарапымен әріптестік байланыстарды кеңейтуге ниеттіміз», — деді Абай облыс әкімінің орынбасары Әділбек Мұсабаев.

Ақпарат көзі: Абай облысының әкімдігі