10 маусым Абай театрынының ғимаратында Қазақстан Республикасының жалпы білім беру ұйым оқушылары арасында ХXV республикалық Абай оқулары байқауының ашылу салтанаты өтті.

Байқау Семей қаласы мен Абай ауданында өтеді. Оған еліміздің әр өңірінен келген облыстық кезең жеңімпаздары мен жүлдегерлері атанған жалпы білім беретін ұйымдардың 130-дан астам 8-11 сынып оқушылары қатысуда. Оқушылар алты номинация бойынша бақ сынасады.

Байқаудың мақсаты қазақ халқының әдеби мұрасын дәріптеу, мектеп оқушыларының классикалық қазақ әдебиетін оқуға деген қызығушылықтарын арттыру, Абай мен Шәкәрім шығармаларындағы эстетикалық талғаммен тұлғалық қасиетті насихаттау, ұлылар поэзиясына, ұлттың рухани мұрасына деген сүйіспеншілікке тәрбиелеу.

Жеңімпаздар 13 маусым күні анықталып, Абай ауданы Қарауыл ауылында марапатталады.

Ақпарат көзі: Абай облысының әкімдігі