Құрметті жерлестер!

Сіздерді бүгінгі Қазақстан Республикасының Рәміздер күні мерекесімен шын жүректен құттықтаймын! Бұл күн – еліміздің бірегейлігін, тәуелсіздігін, және рухани байлығын дәріптейтін маңызды мереке. Мемлекеттік рәміздеріміз – еліміздің мақтанышы мен абыройының көрінісі, оның тарихы мен болашағын байланыстыратын қасиетті нышандар.

Еліміздің көк байрағы, Елтаңбасы және Әнұраны – әрқайсымыздың жүрегімізде ерекше орын алады. Бұл рәміздер біздің ортақ мақсаттарымыз бен армандарымызды бейнелейді, халықтың бірлігін, ынтымағын және болашаққа деген сенімін нығайтады.

Біздің мемлекетіміздің әрбір азаматы үшін мемлекеттік рәміздерімізге құрмет көрсету – қасиетті борыш. Баршаңызға мықты денсаулық, отбасыларыңызға амандық пен құт-береке тілеймін!

Бірлігіміз бекем, болашағымыз жарқын болсын! Тәуелсіздік туы бейбіт аспанымызда желбірей берсін!

Құрметпен, Абай облысының әкімі Нұрлан Ұранхаев

Ақпарат көзі: Абай облысының әкімдігі